OS NOVOS CONTOS DOS TRES PORQUIÑOS

Os tres porquiños nas fallas de Valencia.

Chegaba o inverno e l os tres porquiños construían as súas casas.

O primeiro construíu unha casiña, destas de campo.

O segundo construíu un edificio.

E o terceiro un rañaceos.

Na guarida do lobo escóitanse ruídos. Que será?

O lobo está construíndo un raro artefacto. É unha arma que lanza uns potentes ventos!

Cando os tres porquiños xa remataran as súas casas, apareceu o lobo coa súa gran arma. Pero non derribou ningunha casa, entón preguntoulle aos porquiños:

- Por que non derrubo as vosas casas?

-E que fixémolas cun novo material.

-E con q... -interrompeulle unha gran multitude de xente.

-Mirade, xa chegaron!- dixeron os tres poquiños felices.

-Que fai esta xente aquí?- preguntou o lobo.

-Explicámoscho.Hoxe é o día das...fallas de Valencia!

Entón, fixemos a casa dun material novo que se queima.

-Que chulo! -dixo o lobo.

Ao final os catro quedaron como amigos para sempre. Pasaron moi contentos unha boa tarde vendo como se queimaban todas as fallas  de valencia.

  IVÁN  B

Os tres porquiños de hoxe en día: "Os tres monumentos".

No mundo de hoxe existían tres porquiños. Cada un desexaba facer o monumento máis famoso da historia, pero había alguén que llo impedía: o lobo feroz; que non quería mellorar o mundo con novos inventos, nin que os porquiños se fixesen famosos.

O primeiro porquiño investiu un mes en logralo, pero conseguiu construír o que coñecemos na actualidade como acueduto romano. Un pouco antes de que o rematase, o lobo fixo que houbese un derrubamento de auga, esnaquizando así gran parte do monumento.

O segundo porquiño investiu un ano, pero conseguiu construír o seu monumento: as torres xemelgas, que eran rañaceos. Pero o lobo, fixo que dous avións, co piloto automático, chocasen contra os grandes edificios derrubándoos case por completo.

O terceiro porquiño non investiu nin unha semana, nin lle deu tanto traballo construílo, nin foi tan difícil de usar. E ademais de ser un grande invento, non monumento, remataría co lobo e deixaría libres aos porquiños para poder facer todo o que lles petase.O inverno chegaba, e nos últimos días soleados, todos os animais da terra necesitaban recoller leña e construír unha casa (que era a seguinte construción para os porquiños) para quentarse. O lobo tamén o necesitaba, e os porquiños xa lle prepararan algo: deixáranlle un montón de leña no bosque, e xa que facía tanto sol, xusto cando o outono se remataba, o lobo dixo: Que boa sorte! -E colleu a leña. Pero mentres, o terceiro porquiño levou a cabo o seu plan. Fixo que un raio de sol rebotase contra un espello que colocou preto da leña, e este raio, chegou á leña, queimando así o lobo.

Por fin, os tres porquiños puideron construír algún invento, ou a súa casa para o inverno. E foi un inverno moi tranquilo, ao igual que o estivo o bosque, e todos os animais que vivían nel.

E así son os tres porquiños de hoxe en día.

IRENE  

Os tres netos.

Os netos dos tres porquiños van ter un conto non tan famoso como o dos seus avós pero terán un.
-Avó, cóntasnos a historia das tres casas e o lobo?
-Non, teño unha idea mellor. Que tal se facedes vós unhas casas?
-Vaia, que boa idea!
     Ao instante, os tres saíron correndo a buscar materiais, pero non fixeron tres casas senón un hotel de tres edificios pequenos.

Un era de madeira e pedra, outro de ladrillos e outro de metal groso pero as partes que se vían estaban cubertas de madeira para dar un rematado máis bonito.
Acabaron de construír os hoteis e chamáronos Oink, Oink.
      Por desgraza, o inimigo dos tres porquiños volvía ser o lobo, só que neste conto o lobo ten granadas. Un día o lobo chegou sixilosamente e de súpeto. Bum! Bum!

Os dous primeiros hoteis explotaron pero cando o intentou co terceiro non funcionou.
      Os tres porquiños sabían que era o lobo, entón chamaron a policía.Sen que se decatase o lobo quedou no cárcere e colorín colorado este lobo está encerrado.
       Pero o lobo nunca se rende e volve ao ataque, aínda que isto é outra historia.

       LOIS